ចាប់ លោក អេង អូន ជាមន្ត្រីយោធា និងជាប្រធានក្រុមហ៊ុនអភិវឌ្ឍន៍ភ្នំថ្កូវ រឿងមិនសងលុយរដ្ឋជាង៨០០លានរៀលយកទៅបង្ហាញមុខរាជអាជ្ញាបានមួយដង្ហើមចង្រឹតក៏លែងសេរីភាពវិញហើយការពីល្ងាចថ្ងៃទី២៦ ខែកក្កដា ឆ្នាំ២០២១វិញបាត់!..
ថៅក្រុមហ៊ុនជីកដីលក់នៅខេត្តកំពតឈ្មោះអេងអូនដែលជាមន្ត្រីយោធាផងត្រូវបានលោក ស៊ិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញដែលចេញដិកាឲ្យចូលឲ្យបានមុនថ្ងៃ៩សីហា២០២១ បានសម្រេចដោះលែងវិញបាត់ បន្ទាប់ពីបញ្ជាឲ្យសមត្ថកិច្ចព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញតាមចាប់ ឃាត់ខ្លួនបញ្ជូនទៅតុលាការមុនថ្ងៃកំណត់។
ជុំវិញការដោះលែង លោក អេង អូន នេះលោកព្រះរាជអាជ្ញារង ប្លង់ សុផល អ្នកនាំពាក្យនៃអយ្យការអមសាលាដំបូងរាជធានីភ្នំពេញ សំងំឈឹង!។
បើយោងតាមការផ្សាយរបស់សារព័ត៌មានរពីថ្ងៃម្សិលមិញពីការបែកធ្លាយសម្លេងរបស់លោក អេង អូន គាត់អះអាងថា បានទាក់ទងទៅតុលាការ (លោក ស៊ិត វណ្ណៈ) រួចរាល់ហើយ !។គេមិនដឹងថាការដោះលែងមានលុយតំកល់ឬក៏មិនចាត់ការលើពាក្យបណ្តឹងនោះឡើងព្រោះតុលាការធើស៊ីស្ងាតៗចឹង?។
លោក អេង អូន ត្រូវបាន សមត្ថកិច្ច ឃាត់ខ្លួន ថ្ងៃទី២៦ ខែកក្កដា ឆ្នាំ២០២១ម្សិលមិញ ពាក់ព័ន្ធ បទល្មើសឆបោក និងរំលោភលើទំនុកចិត្ត ទឹកប្រាក់ចំនួន ៩២ម៉ឺនដុល្លារអាមេរិក។
សមត្ថកិច្ច បានឃាត់ខ្លួនលោក អេង អូន នៅមុខផ្សារស៊ីធីម៉ល រាជធានីភ្នំពេញ តាមដីកាបញ្ជាឲ្យចូលខ្លួនរបស់លោក ស៊ិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញ។
សូមជម្រាបជូនថា លោក អេង អូន ក៏ធ្លាប់ត្រូវបានឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល ចេញលិខិតផាកពិន័យជាទឹកប្រាក់ជាង ៨០០លានរៀលផងដែរ ដោយសារតែក្រុមហ៊ុន អភិវឌ្ឍភ្នំថ្កូវ លួចកាយយកដីក្រហមនៅភ្នំថ្កូវ ស្ថិតនៅភូមិកោះផ្ដៅ ឃុំកំពង់ត្រាចខាងលិច ស្រុកកំពង់ត្រាច ខេត្តកំពត មុនទទួលបានអាជ្ញាប័ណ្ណពីក្រសួង ។ប៉ុន្តែ លោក អេង អូន ពុំព្រមបង់ប្រាក់ផាកពិន័យតាមការសម្រេចរបស់លោករដ្ឋមន្ត្រីក្រសួងរ៉ែនោះទេ និងបានចេញលិខិតបដិសេធថែមទៀតផង៕